தங்கம் விலை 10 நாட்களில் பவுனுக்கு ரூ.1,520 குறைந்தது

சென்னை:

தங்கம் விலை சமீப காலமாகவே குறைந்து வருகிறது. கடந்த 10 நாட்களில் தங்கம் விலை தொடர்ந்து குறைந்து வருகிறது. கடந்த 20-ந் தேதி 1 பவுன் தங்கம் ரூ.44,400-க்கு விற்கப்பட்டது. அதன் பிறகு தொடர்ந்து குறைந்து வருகிறது. 31-ந் தேதி பவுன் ரூ.44,240 ஆகவும், 22-ந் தேதி 44,080 ஆகவும் 26-ந் தேதி 44,040 ஆகவும் குறைந்தது.

27-ந் தேதி தங்கம் விலை பவுன் ரூ.44 ஆயிரத்துக்கு கீழே வந்தது. அன்று ரூ.43840-க்கு விற்கப்பட்டது. 28-ந் தேதி பவுன் ரூ.43,280 ஆகவும், நேற்று 1 பவுன் ரூ.43,120 ஆகவும் குறைந்தது.

இந்த நிலையில் தங்கம் விலை இன்று ரூ.43 ஆயிரத்துக்கு கீழே வந்தது. இன்று பவுனுக்கு ரூ.240 குறைந்து ரூ.42,880-க்கு விற்கப்படுகிறது. கடந்த 10 நாட்களில் மட்டும் தங்கம் விலை பவுனுக்கு ரூ.1520 குறைந்துள்ளது.

நேற்று 1 கிராம் தங்கம் ரூ.5390-க்கு விற்கப்பட்டது. இன்று கிராமுக்கு ரூ.30 குறைந்து ரூ.5360-க்கு விற்கப்படுகிறது. 10 நாட்களில் கிராமுக்கு ரூ.190 குறைந்துள்ளது.

இதேபோல் வெள்ளி விலையும் இன்று குறைந்துள்ளது. நேற்று 1 கிராம் வெள்ளி ரூ.77.50-க்கு விற்கப்பட்டது. இன்று கிராமுக்கு ரூ.1.50 குறைந்து ரூ.76-க்கு விற்கப்படுகிறது. 1 கிலோ பார் வெள்ளி ரூ.76 ஆயிரத்துக்கு விற்பனை ஆகிறது.