மதுரையில் தண்டவாள இணைப்பு பணி- சென்னை வரும் எக்ஸ்பிரஸ் ரெயில்கள் போக்குவரத்தில் மாற்றம்

மதுரை:

மதுரை ரெயில் நிலையத்தில் தண்டவாள இணைப்பு பணிக்காக ரெயில்களின் போக்குவரத்தில் மாற்றம் செய்யப்பட்டுள்ளது. இதன்படி தென்மாவட்டங்களில் இருந்து சென்னை செல்லும் சில ரெயில்கள் நேற்று முதல் மதுரை ரெயில் நிலையம் வராமல் மாற்றுப்பாதையில் இயக்கப்படுகின்றன.

திருச்செந்தூர்-சென்னை செந்தூர் எக்ஸ்பிரஸ் ரெயில் (வ.எண்.16106) வருகிற 28-ந் தேதி வரையிலும், செங்கோட்டை-சென்னை பொதிகை எக்ஸ்பிரஸ் ரெயில்(12662) வருகிற 3-ந் தேதி வரையிலும், நெல்லை-சென்னை எக்ஸ்பிரஸ் ரெயில் (12632) வருகிற 28-ந் தேதி முதல் வருகிற 3-ந் தேதி வரையிலும், கொல்லம்-சென்னை அனந்தபுரி எக்ஸ்பிரஸ் ரெயில் (16824) மற்றும் கொல்லம்-சென்னை (தென்காசி வழி) எக்ஸ்பிரஸ் ரெயில் (16102) ஆகியவை வருகிற 1-ந் தேதி முதல் 3-ந் தேதி வரை விருதுநகர் ரெயில் நிலையத்தில் இருந்து மானாமதுரை, காரைக்குடி வழியாக திருச்சி வந்து அங்கிருந்து சென்னைக்கு வரும்.

இந்த ரெயில்கள் மேற்கண்ட நாட்களில் மதுரை ரெயில் நிலையம் வழியாக இயக்கப்படாது.