காஞ்சி காமாட்சியம்மன் கோவிலில் போலீஸ் சூப்பிரண்டு ஆய்வு

காஞ்சீபுரம்:

காஞ்சீபுரம் காமாட்சியம்மன் கோயில் கும்பாபிஷேகத்தையொட்டி மாவட்ட போலீஸ் சூப்பிரண்டு பாதுகாப்பு பணிகள் சம்பந்தமாக காமாட்சியம்மன் கோயிலை பார்வையிட்டார்.

உலக பிரசித்தி பெற்ற காஞ்சீபுரம் காமாட்சியம்மன் கோயிலுக்கு வரும் பிப்ரவரி 9-ந்தேதி கும்பாபிஷேகம் நடைபெற உள்ளது. இந்த கோயிலில் திருப்பணிகள் நடைபெறுவதையும், பாதுகாப்பு ஏற்பாடுகள் செய்வது குறித்தும் மாவட்ட போலீஸ் சூப்பிரண்டு முத்தரசி பார்வையிட்டார்.

அப்போது காஞ்சீபுரம் சப்-கலெக்டர் அருண் தம்புராஜ், உதவி போலீஸ் சூப்பிரண்டு டாக்டர் என்.ஸ்ரீநாத், கோயில் ஸ்ரீகார்யம் சல்லா விஸ்வநாத சாஸ்திரி, தாசில்தார் கியூரி, பெரிய காஞ்சீபுரம் போலீஸ் இன்ஸ்பெக்டர் டி.ஜெய்சங்கர், கோயில் நிர்வாக அதிகாரி எம்.விஜயன் உள்பட அதிகாரிகள் பலர் கலந்து கொண்டனர்.