ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்

மல்யுத்தம் பெண்கள் ப்ரீஸ்டைல் 76 கிலோ பிரிவு வெண்கலப் பதக்கத்திற்கான போட்டியில் இந்தியா- மங்கோலியா மோதின. இதில், 6- 3 என்ற புள்ளி கணக்கில் மங்கோலிய வீராங்கனையை வீழ்த்தி இந்தியாவின் கிரண் பிஷ்னோய் வெண்கலப் பதக்கம் வென்றார்.

ஹாக்கி ஆண்கள் இறுதிப்போட்டியில் இந்தியா - ஜப்பான் மோதியுள்ளன. இதன் முதல் பாதியில் இரு அணிகளும் கோல் அடிக்கவில்லை.

மல்யுத்தம் பெண்கள் ப்ரீஸ்டைல் 62 கிலோ வெண்கலப்பதக்கத்திற்கான போட்டியில் இந்தியா - சீனா மோதின. பரபரப்பாக நடந்த இப்போட்டியில் 7-5 என்ற புள்ளி கணக்கில் சீன வீராங்கனையை வீழ்த்தி இந்தியாவின் சோனம் அபாரமாக வெற்றிபெற்றார்.

இந்த வெற்றியின் மூலம் மல்யுத்தம் பெண்கள் பிரிஸ்டைல் 62 கிலோ பிரிவில் இந்திய வீராங்கனை சோனம் வெண்கலப்பதக்கம் வென்றார்.

வில்வித்தை ஆண்கள் ரிகர்வி குழு இறுதிப்போட்டியில் இந்தியா- தென்கொரியா அணிகள் மோதின. இதில், 5-1 என்ற புள்ளி கணக்கில் இந்தியாவை வீழ்த்தி தென்கொரியா தங்கப்பதக்கம் வென்றது.

இதனால், போட்டியில் தோல்வியை சந்தித்த இந்தியா வெள்ளிப்பதக்கம் வென்றது.

செபக்டக்ரா போட்டியின் பெண்கள் ரெகு பிரிவு அரையிறுதியில் இந்திய அணி தாய்லாந்திடம் தோல்வி அடைந்தது. ஆனாலும் வெண்கலப் பதக்கம் பெற்றது.

ஆண்கள் கபடி அரையிறுதியில் பாகிஸ்தானுக்கு எதிரான போட்டியில் இந்திய அணி 61-14 என்ற கணக்கில் வென்று இறுதிப்போட்டிக்கு முன்னேறியது.

வில்வித்தை ஆண்கள் ரிகர்வ் பிரிவு அரையிறுதியில் இந்தியாவின் அதானு தாஸ், தீரஜ் பொம்மதேவரா மற்றும் துஷார் பிரபாகர் ஆகியோர் வங்காளதேசத்துடன் மோதினர். இதில் 5-3 என்ற கணக்கில் வென்ற இந்தியா இறுதிப்போட்டிக்கு முன்னேறியது.

ஆண்கள் கபடி அரையிறுதியில் பாகிஸ்தானுக்கு எதிரான போட்டியில் இந்திய அணி முதல் பாதியில் 30-5 என முன்னிலை பெற்றுள்ளது.

2வது அரையிறுதியில் பாகிஸ்தானை 115 ரன்களில் சுருட்டியது ஆப்கானிஸ்தான்.

வில்வித்தை ஆண்கள் ரிகர்வ் பிரிவு காலிறுதியில் இந்தியாவின் அதானு தாஸ், தீரஜ் பொம்மதேவரா மற்றும் துஷார் பிரபாகர் ஆகியோர் மங்கோலிய அணியுடன் மோதினர். இதில் ஷூட் அவுட் முறையில் இந்தியா அரையிறுதிக்கு முன்னேறியது.