இலங்கை அணிக்கு எதிரான தொடரில் இருந்து ருதுராஜ் விலகல்

இலங்கை கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான மூன்று 20 ஓவர் போட்டிகள் கொண்ட தொடரில் லக்னோவில் நடந்த முதல் ஆட்டத்தில் இந்தியா 62 ரன் வித்தியாசத்தில் வெற்றிபெற்றது.

இந்தியா- இலங்கை அணிகள் மோதும் 2-வது 20 ஓவர் போட்டி இமாச்சல பிரதேச மாநிலம் தர்மசாலாவில் இன்று நடக்கிறது.

இந்நிலையில் இந்திய அணி வீரர் ருதுராஜ் கெய்க்வாட்டின் வலது மணிக்கட்டில் ஏற்பட்ட காயம் காரணமாக அவர் இலங்கை தொடரில் இருந்து விலகி உள்ளார். அவருக்கு பதிலாக மயங்க் அகர்வால் அணியில் சேர்க்கப்பட்டுள்ளார். 

இந்திய அணி சமீபத்தில் வெஸ்ட் இண்டீசுக்கு எதிரான 20 ஓவர் தொடரை கைப்பற்றி ஒயிட்வாஷ் செய்து இருந்தது. இந்த தொடரில் வெஸ்ட் இண்டீஸ் அணிக்கு எதிரான 3-வது டி20 போட்டியில் மட்டும் விளையாடிய ருதுராஜ் 4 ரன்கள் மட்டுமே எடுத்து ஆட்டமிழந்தார் என்பது குறிப்பிடத்தக்கது.