விளையாட்டு
இந்திய ஹாக்கி அணி

எஃப்.ஐ.எச்.புரோ லீக் ஹாக்கி: இந்தியா-ஸ்பெயின் இன்று மோதல்

Update: 2022-02-25 22:39 GMT
ஸ்பெயின் அணியை எளிதாக எடை போடவில்லை என்று, இந்திய ஹாக்கி அணி கேப்டன் மன்பிரீத்சிங் தெரிவித்துள்ளார்.
புவனேஸ்வர்:

எஃப்.ஐ.எச். புரோ லீக் ஹாக்கி போட்டியில் இன்று நடைபெறும் ஆட்டத்தில் மன்பிரீத்சிங் தலைமையிலான இந்திய அணி ஸ்பெயின் அணியுடன் மோதுகிறது. 

ஒடிசா மாநிலம் புவனேஸ்வர் நகரில் இந்த போட்டி நடைபெறுகிறது. கடந்த ஆண்டு நடைபெற்ற டோக்கியோ ஒலிம்பிக் ஹாக்கி போட்டியில் இந்தியா - ஸ்பெயினை 3-0 என்ற கோல்கணக்கில் தோற்கடித்தது. இதற்கு பிறகு இன்று இரு அணிகளும் களம் காண்கின்றன. 

இந்திய ஹாக்கி அணியில் பஞ்சாபைச் சேர்ந்த 25 வயதான சுக்ஜீத் சிங் முதன்முறையாக வாய்ப்பு வழங்கப்பட்டுள்ளது. 

மேலும் டிராக் ஃபிளிக் நிபுணர் ஹர்மன்ப்ரீத் சிங் துணை கேப்டனாக அறிவிக்கப்பட்டுள்ளார். 

ஒலிம்பிக் போட்டியில் ஸ்பெயின் அணி சவாலாக திகழ்ந்ததாகவும், அந்த அணியை எளிதாக எடை போடவில்லை என்றும், இந்திய ஹாக்கி அணி கேப்டன் மன்பிரீத்சிங் தெரிவித்துள்ளார்.

இரு அணிகளுக்கு இடையேயான மற்றொரு போட்டி நாளை இதே மைதானத்தில் நடைபெறுகிறது.


Tags:    

Similar News