விளையாட்டு
சையத் மோடி பேட்மிண்டன் - முதல் சுற்றில் பி.வி.சிந்து வெற்றி
சையத் மோடி பேட்மிண்டன் தொடரின் பெண்கள் ஒற்றையர் பிரிவு போட்டிகளில் இந்தியாவின் கனிகா கன்வால், சமியா இமாத் பரூகி ஆகியோரும் அடுத்த சுற்றுக்கு முன்னேறினர்.
லக்னோ:
சையது மோடி சர்வதேச பேட்மிண்டன் போட்டி உத்தர பிரதேசம் மாநில தலைநகர் லக்னோவில் நடைபெற்று வருகிறது. இந்தப் போட்டி வரும் 23-ம் தேதி வரை நடக்கிறது.
நேற்று நடந்த பெண்கள் ஒற்றையர் பிரிவில் ஒலிம்பிக் போட்டியில் 2 முறை பதக்கம் வென்றவரான இந்திய நட்சத்திர வீராங்கனை பி.வி.சிந்து, தன்யா ஹேமந்துடன் மோதினார்.
27 நிமிடங்கள் நடைபெற்ற இந்தப் போட்டியில் பி.வி.சிந்து 21 - 9, 21 - 9 என்ற நேர் செட்டில் எளிதில் வெற்றி பெற்று இரண்டாவது சுற்றுக்கு முன்னேறினார்.