ரோகித் சர்மா ஐசிசி டெஸ்ட் தரவரிசையில் 8-வது இடத்திற்கு முன்னேற்றம்

இந்திய அணியின் அதிரடி பேட்ஸ்மேன் ரோகித் சர்மா. ஒருநாள் மற்றும் டி20 போட்டியில் அசைக்க முடியாத பேட்ஸ்மேனாக உள்ளார். சமீப காலமாகத்தான் டெஸ்ட் கிரிக்கெட் போட்டியில் தொடர்ந்து தொடக்க வீரராக களம் இறங்கி வருகிறார்.

இங்கிலாந்து அணிக்கெதிரான 3-வது டெஸ்ட் போட்டியில் முதல் இன்னிங்சில் 66 ரன்களும், 2-வது இன்னிங்சில் ஆட்டமிழக்காமல் 25 ரன்களும் விளாசினார். இதனால் ஐசிசி டெஸ்ட் பேட்ஸ்மேன் தரவரிசையில் 20 புள்ளிகள் பெற்று 742 புள்ளிகளுடன் 8-வது இடத்தை பிடித்துள்ளார். ஐசிசி டெஸ்ட் பேட்ஸ்மேன் தரவரிசையில் இது அவரின் அதிகபட்ச ரேங்க் ஆகும்.

11 விக்கெட் வீழ்த்தி அக்சார் பட்டேல் 30 இடங்கள் முன்னேறி 38-வது இடத்தை பிடித்துள்ளார். அஷ்வின் 7 விக்கெட் வீழ்த்தினார். இதனால் 3-வது இடத்திற்கு முன்னேறியுள்ளார்.