செய்திகள்
ஸ்வியாடெக்

அடிலெய்டு சர்வதேச டென்னிஸ் : போலந்து வீராங்கனை ஸ்வியாடெக் சாம்பியன்

Published On 2021-02-28 00:43 GMT   |   Update On 2021-02-28 00:43 GMT
அடிலெய்டு சர்வதேச டென்னிஸ் போட்டியில் போலந்து வீராங்கனை ஸ்வியாடெக் சாம்பியன் பட்டம் வென்றார்.
அடிலெய்டு:

அடிலெய்டு சர்வதேச டென்னிஸ் போட்டி ஆஸ்திரேலியாவில் நடந்தது. இதில் பெண்கள் ஒற்றையர் பிரிவில் நேற்று நடந்த இறுதி ஆட்டத்தில் இகா ஸ்வியாடெக் (போலந்து) 6-2, 6-2 என்ற நேர் செட் கணக்கில் பெலின்டா பென்சிச்சை (சுவிட்சர்லாந்து) 66 நிமிடங்களில் தோற்கடித்து மகுடம் சூடினார்.

அவருக்கு ரூ.50 லட்சம் பரிசுத்தொகையாக கிடைத்தது. முதல் சுற்றில் இருந்து இறுதிப்போட்டி வரை 5 ஆட்டங்களிலும் முழுமையாக ஆதிக்கம் செலுத்திய ஸ்வியாடெக் ஒரு செட்டை கூட இழக்கவில்லை என்பது குறிப்பிடத்தக்கது. பிரெஞ்ச் ஓபன் சாம்பியனான 19 வயதான ஸ்வியாடெக் கைப்பற்றிய 2-வது பட்டம் இதுவாகும். தரவரிசையில் 18-வது இடம் வகிக்கும் ஸ்வியாடெக் இந்த வெற்றியின் மூலம் நாளை வெளியாகும் புதிய தரவரிசையில் 15-வது இடத்துக்கு முன்னேறுகிறார்.
Tags:    

Similar News