செய்திகள்
ஜேசன் ஹோல்டரை ஆபாசமாக திட்டிய நியூசிலாந்து வீரருக்கு அபராதம்
நியூசிலாந்து - வெஸ்ட் இண்டீஸ் அணிகளுக்கு இடையிலான முதல் டெஸ்ட் போட்டியின்போது ஹோல்டரை திட்டி டேரில் மிட்செல்லுக்கு ஐசிசி அபராதம் விதித்துள்ளது.
நியூசிலாந்து - வெஸ்ட் இண்டீஸ் அணிகளுக்கு இடையிலான முதல் டெஸ்ட் போட்டி ஹாமில்டனில் நடைபெற்றது. போட்டியின்போது டேரில் மிட்செல்லை கடந்து சென்ற ஹோல்டரை, ஆபாச வார்த்தையில் திட்டியுள்ளார் டேரில் மிட்செல்.
விசாரணை நடத்திய ஐசிசி நடுவர் 15 சதவீத அபராதத்துடன், சஸ்பெண்டுக்கான ஒரு புள்ளியையும் வழங்கியுள்ளார். மைதான நடுவர் அளவிலான குற்றம் என்பதால் அதிகப்பட்சம் 50 சதவீதம் வரை அபராதம் விதிக்கவும், சஸ்பெண்டுக்கான 2 புள்ளிகள் வரை வழங்கவும் விதிமுறை உள்ளது.
டேரில் மிட்செல் குற்றத்தை ஒப்புக்கொண்டு அபராதத் தொகையை ஏற்றுக் கொண்டதால் மேற்கொண்டு விசாரணை தேவையில்லை என ஐசிசி நடுவர் ஜெஃப் க்ரோவ் தெரிவித்துள்ளார்.