ஐபிஎல்: பர்பிள் கேப் போட்டியில் ரபடாவை பின்னுக்குத் தள்ளினார் பும்ரா

ஐ.பி.எல். போட்டியில் அதிக விக்கெட்டுகள் வீழ்த்தியவர்கள் பட்டியலில் டெல்லி கேப்பிட்டல்ஸ் வீரர் ரபடா தொடர்ந்து முதல் இடம் பிடித்து வந்தார். அவருக்கு மும்பை இந்தியன்ஸ் பும்ரா கடும் போட்டியாக இருந்து வந்தார். 

இந்நிலையில் ரபடா கடந்த இரண்டு ஆட்டங்களில் விக்கெட் ஏதும் வீழ்த்தாமல் ஏமாற்றம் அளித்தார். அதே நேரத்தில் மும்பை அணியின் பும்ரா 13 இன்னிங்ஸ் விளையாடி 23 விக்கெட்டுகளை வீழ்த்தியுள்ளார்.

ரபடாவும் 13 இன்னிங்சில் 23 விக்கெட்டுகளை வீழ்த்தியுள்ள நிலையில் பவுலிங் சராசரி மற்றும் எக்கனாமியில் பும்ரா ரபாடாவை பின்னுக்கு தள்ளி முதல் இடம் பிடித்து பர்பிள் கேப்பை பெற்றுள்ளார்.