செய்திகள்
ஹெட்மையர், பொல்லார்டு

இந்தியாவுக்கு 208 ரன்கள் வெற்றி இலக்காக நிர்ணயித்துள்ளது வெஸ்ட் இண்டீஸ்

Published On 2019-12-06 15:09 GMT   |   Update On 2019-12-06 15:09 GMT
ஐதராபாத்தில் நடைபெற்று வரும் முதல் டி20 கிரிக்கெட்டில் ஹெட்மையர், லிவிஸ், பொல்லார்டு அதிரடியால் இந்தியாவுக்கு 208 ரன்கள் வெற்றி இலக்காக நிர்ணயித்துள்ளது வெஸ்ட் இண்டீஸ்.
இந்தியா - வெஸ்ட் இண்டீஸ் அணிகளுக்கு இடையிலான முதல் டி20 கிரிக்கெட் போட்டி ஐதராபாத்தில் நடைபெற்று வருகிறது. டாஸ் வென்ற இந்திய அணி கேப்டன் விராட் கோலி பந்து வீச்சை தேர்வு செய்தார்.

அதன்படி வெஸ்ட் இண்டீஸ் அணியின் லென்டில் சிம்மன்ஸ் - எவின் லிவிஸ் ஆகியோர் தொடக்க வீரர்களாக களம் இறங்கினர். சிம்மன்ஸ் 2 ரன்கள் எடுத்த நிலையில் ஆட்டமிழந்தார். அடுத்து லிவிஸ் உடன் பிராண்டன் கிங் ஜோடி சேர்ந்தார். இந்த ஜோடி இந்தியாவின் பந்து வீச்சை துவம்சம் செய்தது.

லிவிஸ் 17 பந்தில் 3 பவுண்டரி, 4 சிக்சர்களுடன் 40 ரன்கள் விளாசினார். கிங் 31 ரன்கள் அடித்தார். இருவரின் ஆட்டத்தால் ஸ்கோர் ஓவருக்கு சராசரியாக 10 ரன்கள் வந்து கொண்டே இருந்தது. ஹெட்மையர் 41 பந்தில் 2 பவுண்டரி, 4 சிக்சருடன் 56 ரன்கள் அடித்தார்.



பொல்லார்டு 19 பந்தில் 4 சிக்ஸ், ஒரு பவுண்டரியுடன் 37 ரன்கள் அடித்தார். ஹோல்டர் அதிரடி காட்ட வெஸ்ட் இண்டீஸ் 20 ஓவரில் 5 விக்கெட் இழப்பிற்கு 207 ரன்கள் குவித்துள்ளது. ஹோல்டர் 9 பந்தில் 24 ரன்கள் அடித்து ஆட்டமிழக்காமல் இருந்தார்.

பின்னர் 208 ரன்கள் அடித்தால் வெற்றி என்ற இலக்குடன் இந்தியா பேட்டிங் செய்து வருகிறது.
Tags:    

Similar News