ஆஸ்திரேலிய ஓபன் டென்னிஸ்: கிகி பெர்ட்டென்ஸ் தோல்வி, வோஸ்னியாக்கி, ஸ்டீபன்ஸ் வெற்றி

ஆஸ்திரேலிய ஓபன் டென்னிஸ் மெல்போர்ன் நகரில் நடைபெற்று வருகிறது. இன்று காலை நடந்த பெண்கள் ஒற்றையர் 2-வது சுற்று ஆட்டத்தில் 5-ம் நிலை வீராங்கனை ஸ்லோனே ஸ்டீபன்ஸ் (அமெரிக்கா) 6-3, 6-1 என்ற நேர்செட் கணக்கில் பேபோசை (பல்கேரியா) வீழ்த்தி 3-வது சுற்றுக்கு முன்னேறினார். இதேபோல 15-ம் நிலை வீராங்கனை பேர்ட்டியும் (ஆஸ்திரேலியா) 2-வது சுற்றில் வெற்றி பெற்றார்.


ஸ்டீபன்ஸ்

9-ம் நிலை வீராங்கனையான கிகி பெர்ட்டன்ஸ் பவுலியுசென்கோவாவை எதிர்கொண்டார். அதில் கிகி பெர்ட்டன்ஸ் 6-3, 3-6, 3-6 எனத் தோல்வியடைந்து வெளியேறினார். அதேபோல் 20-ம் நிலை வீராங்கனையான கோன்டாவெயிட் 3-6, 3-6 என நேர்செட் கணக்கில் தோல்வியடைந்தார்.


வோஸ்னியாக்கி

3-ம் நிலை வீராங்கனை வோஸ்னியாக்கி 6-1, 6-3 என நேர்செட் கணக்கில் வெற்றி பெற்று 3-வது சுற்றுக்கு முன்னேறினார். கார்சியா, சக்கரி ஆகியோரும் 3-வது சுற்றுக்கு முன்னேறினார்கள்.