செய்திகள்
உலககோப்பை ஹாக்கி - இங்கிலாந்தை துவம்சம் செய்து வெண்கலம் வென்றது ஆஸ்திரேலியா
உலககோப்பை ஹாக்கியில் இன்று நடைபெற்ற மூன்றாவது இடத்துக்கான போட்டியில் இங்கிலாந்து அணியை 8 -1 என்ற கோல் கணக்கில் துவம்சம் செய்த ஆஸ்திரேலியா அணி வெண்கலத்தை வென்றது. #HockeyWorldCup2018 #Australia #England
புவனேஸ்வர்:
14-வது உலக கோப்பை ஆண்கள் ஆக்கி போட்டி ஒடிசா மாநில தலைநகர் புவனேஸ்வரத்தில் உள்ள கலிங்கா ஸ்டேடியத்தில் நடைபெற்று வருகிறது. இதில் லீக், காலிறுதி மற்றும் அரையிறுதி ஆட்டங்கள் முடிந்துள்ளன.
இன்று நடைபெற்ற மூன்றாவது இடத்துக்கான போட்டியில் இங்கிலாந்தும், ஆஸ்திரேலியாவும் மோதின.
இதில் ஆட்டத்தின் தொடக்கத்தில் இருந்தே ஆஸ்திரேலிய வீரர்கள் அபாரமான ஆட்டத்தை வெளிப்படுத்தின்ர். கிடைத்த வாய்ப்புகளை எல்லாம் கோல் அடித்தனர்.
இறுதியில், 8 - 1 என்ற கோல் கணக்கில் இங்கிலாந்தை வீழ்த்தி ஆஸ்திரேலியா வெற்றி பெற்றதுடன் வெண்கலம் வென்றது. #HockeyWorldCup2018 #Australia #England