புரோ கபடி லீக் - பெங்கால் வாரியர்சை வீழ்த்தியது பாட்னா பைரேட்ஸ்

பாட்னா:

12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. இதில் பீகார் மாநிலம் பாட்னாவில் நேற்று நடந்த லீக் ஆட்டத்தில் பெங்கால் வாரியர்ஸ் அணியும், பாட்னா பைரேட்ஸ் அணியும் மோதின.

ஆட்டத்தின் தொடக்கத்தில் இருந்தே இரு அணி வீரர்களும் ஒருவருக்கொருவர் விட்டுக் கொடுக்காமல் விளையாடினர்.

இதனால் இரு அணிகளின் புள்ளிகள் சமனிலையில் இருந்து வந்தது.

ஆட்டத்தின் இறுதியில், பாட்னா பைரேட்ஸ் அணி சிறப்பாக விளையாடியது. இதையடுத்து, பெங்கால் வாரியர்ஸ் அணியை 29 - 27 என்ற புள்ளிக்கணக்கில் வீழ்த்தி பாட்னா பைரேட்ஸ் அணி நான்காவது வெற்றியை பெற்றது. #ProKabaddi