செய்திகள்
வியட்னாம் ஓபன் பேட்மிட்டன் - வெள்ளிப் பதக்கம் வென்றார் அஜய் ஜெயராமன்
வியட்னாமில் நடைபெற்று வரும் பேட்மிட்டன் சாம்பியன்ஷிப் தொடரில் இன்று நடைபெற்ற இறுதிப் போட்டியில் இந்தோனேஷியாவின் ரஷ்டவிடோவிடம் தோல்வியை தழுவினார் அஜய் ஜெயராம். #VietnamOpen #AjayJayaram
ஹனோய்:
வியட்னாமில் நடைபெற்று வரும் ஆண்களுக்கான பேட்மிட்டன் சாம்பியன்ஷிப் தொடரில் இன்று நடைபெற்ற இறுதிப் போட்டியில் இந்தியாவின் அஜய் ஜெயராம், இந்தோனேஷியாவின் ஷேசர் ஹிரன் ரஷ்டவிடோவுடன் மோதினார்.
நேற்று நடைபெற்ற அரை இறுதி ஆட்டத்தில் ஜப்பானின் இக்ராஷியை வீழ்த்திய ஜெயராம், இன்றைய போட்டியில் அதே சிறப்பான ஆட்டத்தை வெளிப்படுத்த தவறிவிட்டார்.
இதனால், 14-21, 10-21 என்ற கணக்கில் ஜெயராமை எளிதில் வீழ்த்தி ரஷ்டவிடோ தங்கப் பதக்கத்தை தட்டி சென்றார். இறுதி போட்டியில் தோல்வியை தழுவிய ஜெயராம் வெள்ளிப் பதக்கம் வென்றார்.
இதே ரஷ்டவிடோவை கடந்த 2013-ம் ஆண்டு நடைபெற்ற தாய்லாந்து ஓப்பன் பேட்மிட்டன் தொடரில் 21-11, 19-21, 21-9 என்ற கணக்கில் அஜய் ஜெயராம் வீழ்த்தினார் என்பது குறிப்பிடத்தக்கது. #VietnamOpen #AjayJayaram