தென்ஆப்பிரிக்காவிற்கு எதிரான 2-வது டெஸ்ட்- வார்னர் - பான்கிராப்ட் சிறப்பான தொடக்கம்

தென்ஆப்பிரிக்கா - ஆஸ்திரேலியா இடையிலான நான்கு போட்டிகள் கெண்ட டெஸ்ட் தொடரின் முதல் டெஸ்ட் கடந்த வாரம் டர்பனில் நடைபெற்றது. இதில் ஆஸ்திரேலியா வெற்றி பெற்றது. இந்நிலையில் 2-வது டெஸ்ட் இன்று போர்ட் எலிசபெத்தில் இன்று தொடங்கியது. ஆடுகளம் புற்கள் நிறைந்து பச்சைபசேல் என்று காணப்பட்டது. இதனால் பந்து அதிக அளவில் ஸ்விங் ஆகும் என்று இரு அணிகளும் எதிர்பார்த்தனர்.

டாஸ் வென்ற ஆஸ்திரேலியா பேட்டிங் தேர்வு செய்தது. தென்ஆப்பிரிக்கா கேப்டன் டு பிளிசிஸ், நாங்கள் டாஸ் வென்றிருந்தாலும் பீல்டிங்தான் தேர்வு செய்திருப்போம் என்றார்.

ஆஸ்திரேலியா அணியின் டேவிட் வார்னர், கேமரூன் பான்கிராப்ட் ஆகியோர் தொடக்க வீரர்களாக களம் இறங்கினார்கள். நியூ பந்த் ஸ்விங் ஆகியதால் பிலாண்டர், ரபாடா ஆகியோர் பந்து வீச்சில் நெருக்கடி கொடுத்தார். ஆனால் வார்னர், பான்கிராப்ட் ஆகியோர் ரன்கள் அடிக்காவிடிலும் விக்கெட் இழக்காமல் பார்த்துக் கொண்டனர். முதல் 7 ஓவரில் 7 ரன்கள் மட்டுமே எடுத்தனர்.

8-வது ஓவரை ரபாடா வீசினார். இந்த ஓவரின் 3-வது பந்தில் பான்கிராப்ட் பவுண்டரி அடித்தார். இதுதான் ஆஸ்திரேலியாவின் முதல் பவுண்டரி.



13-வது ஓவர் வரை ஆஸ்திரேலியா 18 ரன்கள் எடுத்தது. அதன்பின் வார்னர், பான்கிராப்ட் அதிரடி ஆட்டத்தை வெளிப்படுத்தினர். நெகிடி வீசிய 16-வது ஓவரில் இரண்டு பவுண்டரிகளும், ரபாடா வீசிய 17-வது ஓவரில் மூன்று பவுண்டரிகளும், நெகிடி வீசிய 18-வது ஓவரில் இரண்டு பவுண்டரிகளும் விளாசினார்கள்.

25-வது ஓவரில் இரண்டு பவுண்டரி அடித்த வார்னர் 69 பந்தில் அரைசதம் அடித்தார். மதிய உணவு இடைவெளிக்கான கடைசி ஓவரில் பான்கிராப்ட் 38 ரன்கள் எடுத்த நிலையில் ஆட்டமிழந்தார். ஆஸ்திரேலியா முதல்நாள் மதிய உணவு இடைவேளை வரை 26.4 ஓவரில் 1 விக்கெட் இழப்பிற்கு 98 ரன்கள் எடுத்துள்ளது. வார்னர் 69 பந்தில் 59 ரன்களுடன் களத்தில் உள்ளார்.