தாஷ்கண்ட் ஏடிபி சேலஞ்சர் டென்னிஸ்: இறுதிப் போட்டியில் பயஸ் ஜோடி தோல்வி

உஸ்பெகிஸ்தானின் தாஷ்கண்ட் நகரில் உள்ள ஒலிம்பிக் டென்னிஸ் ஸ்கூல் ஸ்டேடியத்தில் ‘தாஷ்கண்ட் ஏடிபி சேலஞ்சர்ஸ் டென்னிஸ்’ தொடர் நடைபெற்றது.

இதில் இந்தியாவின் லியாண்டர்ன பயஸ் - ஜெர்மன் நாட்டைச் சேர்ந்த ஆந்த்ரே பெஜிமான் ஜோடி இறுதிப் போட்டியில் உஸ்பெகிஸ்தானின் டெனிஷ் இஸ்டோமின்- ரஷியாவின் மிகைல் எல்கின் ஜோடியை எதிர்கொண்டது.

இதில் பயஸ் ஜோடி 4-6, 2-6 என நேர்செட் கணக்கில் தோல்வியடைந்து சாம்பியன் பட்டத்தை தவற விட்டது. வெற்றி பெற்ற டெனிஷ் இஸ்டோமின்- மிகைல் எல்கின் ஜோடிக்கு 125 ஏடிபி புள்ளிகளுடன் 7750 அமெரிக்க டாலரும், தோல்வியடைந்த பயஸ் ஜோடிக்கு 75 புள்ளிகளுடன் 4500 அமெரிக்க டாலர்களும் பரிசாக வழங்கப்பட்டது.

இந்த சீசனில் ஏடிபி உலகத் தொடரில் பயஸ் தோல்வியடையும் 3-வது இறுதிப் போட்டி இதுவாகும்.