இந்தியா
டிஆர் பாலு - தமிழக கவர்னர்

தமிழக ஆளுநர் குறித்து விவாதிக்க கோரி திமுக கவன ஈர்ப்பு நோட்டீஸ்

Update: 2022-04-04 03:08 GMT
தமிழக கவர்னர் ஆர்.என்.ரவியின் செயல்பாடுகள் தொடர்பாக பாராளுமன்ற மக்களவையில் விவாதிக்க தி.மு.க. சார்பில் கவன ஈர்ப்பு தீர்மானம் கொண்டு வர கோரிக்கை வைக்கப்பட்டுள்ளது.
புதுடெல்லி:

மக்களவை பொதுச்செயலாளருக்கு தி.மு.க. மக்களவை குழு தலைவர் டி.ஆர்.பாலு நோட்டீஸ் ஒன்றை அளித்து உள்ளார். அதில் கூறப்பட்டு இருப்பதாவது:-

தமிழக கவர்னர் சட்டப்பிரிவு 200-ன் படி தனக்கு விதிக்கப்பட்ட கடமைகளை நிறைவேற்ற தவறி உள்ளார். இதனால் அரசியலைமைப்பு சாசன சட்ட சிக்கல் எழுந்துள்ளது.

தமிழக சட்டசபையில் நிறைவேற்றப்பட்ட மசோதாக்களுக்கு கவர்னர் ஒப்புதல் தரவில்லை. மேலும் 3 மசோதாக்களை அவர் ஜனாதிபதியின் ஒப்புதலுக்கு அனுப்பாமல் தாமதம் செய்கிறார். இதுகுறித்து உள்துறை மந்திரி விளக்கம் தர வேண்டும்.

இவ்வாறு அந்த நோட்டீசில் தெரிவிக்கப்பட்டுள்ளது. இதன் நகல் பாராளுமன்ற மக்களை சபாநாயகர், மத்திய உள்துறை மந்திரி அமித்ஷா ஆகியோருக்கும் அனுப்பி வைக்கப்பட்டுள்ளது.




Tags:    

Similar News