ராஜஸ்தான் தேர்தல்- கவர்ச்சிகர வாக்குறுதிகளுடன் பாஜக தேர்தல் அறிக்கை வெளியீடு

ஜெய்ப்பூர்:

பாஜக ஆளும் ராஜஸ்தான் மாநிலத்தில் வரும் டிசம்பர் 7-ம் தேதி சட்டமன்றத் தேர்தல் நடைபெற உள்ளது. பாஜகவிடம் இருந்து ஆட்சியை கைப்பற்ற காங்கிரஸ் உள்ளிட்ட அரசியல் கட்சிகள் தீவிர களப்பணியாற்றி வருகின்றன. அதேசமயம் ஆட்சியைத் தக்க வைக்க பாஜக தனது பிரசாரத்தை முடுக்கி விட்டுள்ளது. ஆட்சியின் சாதனைகள் மற்றும் நிறைவேற்றப்பட்ட வாக்குறுதிகளை மக்களிடம் எடுத்துக் கூறி வாக்கு சேகரித்து வருகின்றனர்.

பாஜகவின் தேர்தல் அறிக்கையில் பல்வேறு கவர்ச்சிகரமான வாக்குறுதிகள் இடம்பெற்றுள்ளன. அடுத்த ஐந்து ஆண்டுகளில் 50 லட்சம் வேலைவாய்ப்புகள் உருவாக்கப்படும், ஒவ்வொரு ஆண்டும் அரசுத்துறையில் 30 ஆயிரம் பேருக்கு வேலை வழங்கப்படும், தகுதிவாய்ந்த வேலையில்லா பட்டதாரிகளுக்கு மாதம் 5000 ரூபாய் வரை உதவித் தொகை வழங்கப்படும் என தேர்தல் அறிக்கையில் கூறப்பட்டுள்ளது.

நிகழ்ச்சியில் வசுந்தரா ராஜே பேசும்போது, 2013 சட்டமன்றத் தேர்தலில் கொடுத்த வாக்குறுதிகளில் 95 சதவீத வாக்குறுதிகளை நிறைவேற்றியிருப்பதாக குறிப்பிட்டார். #RajastanPolls #BJPManifesto