அதிமுக கூட்டணியின் தொகுதி உடன்பாடு: ஒதுக்கப்பட்ட தொகுதிகள் முழு விவரம்

பாராளுமன்ற தேர்தலில் அதிமுக தலைமையிலான கூட்டணியில் மொத்தம் 8 கட்சிகள் இடம் பெற்றுள்ளன. மொத்தம் உள்ள 40 தொகுதிகளில் அதிமுக 20 தொகுதிகளில் போட்டியிடுகிறது. மீதமுள்ள 20 தொகுதிகளில் பாட்டாளி மக்கள் கட்சிக்கு 7 தொகுதிகள் ஒதுக்கப்பட்டுள்ளது. பாஜக-வுக்கு 5, தேமுதிக-வுக்கு 4 தொகுதிகள் வழங்கப்பட்டுள்ளன.

தமாகா, புதிய தமிழகம், புதிய நீதி கட்சி, என்ஆர் காங்கிரஸ் ஆகிய 4 கட்சிகளுக்கும் தலா ஒரு தொகுதிகள் ஒதுக்கீடு செய்யப்பட்டுள்ளது.

எந்தெந்த கட்சிக்கு எந்தெந்த தொகுதிகள் என்பதை துணைமுதல்வரும், அதிமுகவின் ஒருங்கிணைப்பாளருமான ஓபிஎஸ் இன்று அறிவித்தார்.

அதன்படி அதிமுக போட்டியிடும் தொகுதிகள் விவரம் வருமாறு:-

1. சேலம், 2. நாமக்கல், 3. கிருஷண்கிரி, 4. ஈரோடு, 5. கரூர், 6. திருப்பூர், 7. பொள்ளாச்சி, 8. ஆரணி, 9. திருவண்ணாமலை, 10. சிதம்பரம், 11. பெரம்பலூர், 12. தேனி, 13. மதுரை, 14. நீலகிரி, 15. திருநெல்வேலி, 16. நாகை, 17. மைலாடுதுறை, 18. திருவள்ளூர், 19. காஞ்சீபுரம், 20. சென்னை தெற்கு.

பாமக போட்டியிடும் தொகுதிகள்:-

1. தர்மபுரி, 2. விழுப்புரம், 3. அரக்கோணம், 4. கடலூர், 5. மத்திய சென்னை, 6. திண்டுக்கல், 7. ஸ்ரீபெரும்புதூர்

பா.ஜனதா போட்டியிடும் தொகுதிகள்:-

1. கன்னியாகுமரி, 2. சிவகங்கை, 3. கோவை, 4. ராமநாதபுரம், 5. தூத்துக்குடி

தேமுதிக போட்டியிடும் தொகுதிகள்:-

1. கள்ளக்குறிச்சி, 2. திருச்சி, 3. சென்னை வடக்கு, 4. விருதுநகர்.

என்ஆர் காங்கிரஸ் புதுச்சேரியிலும், தமாக தஞ்சாவூரிலும், புதியநீதிக்கட்சி வேலூரிலும், புதியதமிழகம் தென்காசியிலும் போட்டியிடுகின்றன.