நிலக்கோட்டையில் மாற்றுத்திறனாளிகளுக்கு நலத்திட்ட உதவிகள்

நிலக்கோட்டை:

நிலக்கோட்டையில் தமிழ்நாடு பால் விற்பனைத்துறை ஊழியர் நலச்சங்கம் சார்பாக மாற்றுத்திறனாளிகளுக்கு நலத்திட்ட உதவிகள் வழங்கும் விழா சங்க மாநில பொதுச் செயலாளர் முத்து தலைமையில் நடைபெற்றது.

விழாவில் தமிழ்நாடு பால் முகவர் நலச்சங்க மாநில தலைவர் ராஜசேகர் சிறப்பு அழைப்பாளராக கலந்து கொண்டு நிலக்கோட்டை, சிலுக்குவார்பட்டி, விளாம்பட்டி, அணைப்பட்டி, ஆவாரம்பட்டி உள்ளிட்ட கிராமப் பகுதியில் உள்ள மாற்றுத்திறனாளிகள் 283 பேருக்கு நலத்திட்ட உதவிகளாக தையல் இயந்திரம், வீல் சேர், புதிய ஆடைகள், இனிப்புகள் வழங்கினார். விழாவில் சங்க மாநில பொருளாளர் நாசர், மற்றும் நிர்வாகிகள் உள்பட பலர் கலந்து கொண்டனர்.