வேலூரில் ராம ராஜ்ய ரதத்துக்கு வரவேற்பு

வேலூர்:

ஸ்ரீராம ராஜ்ய ரத யாத்திரை நேற்று வேலூருக்கு வந்தது. ஸ்ரீபுரத்தில் இருந்து புறப்பட்ட ரதம் திருமலை- திருப்பதி தேவஸ்தான தகவல் மையம் அருகே வந்தது.

பின்னர் அங்கிருந்து காட்பாடி காந்தி நகர், சத்துவாச்சாரி கெங்கையம்மன் கோவில் அருகே வந்தடைந்தது.

அங்கிருந்து தோட்டப்பாளையம் சென்று அதைத்தொடர்ந்து மீண்டும் ஸ்ரீபுரத்துக்கு திரும்பியது.

நகருக்குள் வந்த ரதத்தை பலர் ஆர்வமாக பார்த்தனர். பக்தர்கள் தரிசனம் செய்தனர்.

சில பக்தர்கள் பூக்களை தூவி வரவேற்றனர். ஏராளமானவர்கள் ரதத்தின் முன்பு செல்பி எடுத்தும் மகிழ்ந்தனர்.

போலீசார் பாதுகாப்பு பணியில் ஈடுபட்டிருந்தனர்.