உள்ளூர் செய்திகள்

கேந்திரிய வித்யாலயா பள்ளியின் விளையாட்டு தின விழா

Update: 2022-11-27 10:46 GMT
  • கேந்திரிய வித்யாலயா பள்ளியின் விளையாட்டு தின விழா நடைபெற்றது.
  • மாணவர்களின் கலை நிகழ்ச்சிகள் நடைபெற்றன

திருச்சி:

திருச்சி பொன்மலையிலுள்ள மத்திய அரசின் கேந்திரிய வித்யாலயா பள்ளியின் விளையாட்டு தின விழா நடைபெற்றது.

பள்ளி முதல்வர் நவல் கிஷோர் தலைமை வகித்தார். பள்ளி மாணவ, மாணவிகளின் அணிவகுப்பு, விளையாட்டு போட்டிகள், கலை நிகழ்ச்சிகள் நடைபெற்றன. சிறப்பு விருந்தினராக கலந்து கொண்ட திருச்சி கோட்ட ரயில்வே முதுநிலை அலுவலர் (பர்சனல்) சி.சுதாகரன், பல்வேறு போட்டிகளில் வெற்றி பெற்ற மாணவ, மாணவிகளுக்கு பரிசுகளை வழங்கினார்.

மேலும், அண்மையில் ஆக்ரா மற்றும் பரிதாபாத்தில் கேந்திரிய வித்யாலயா பள்ளிகளுக்கு இடையே நடைபெற்ற விளையாட்டு போட்டிகளில் ஜூடோ விளையாட்டில் தங்கம் வென்ற 10-ம் வகுப்பு மாணவர் கனிஷ் கண்ணா, துப்பாக்கிச் சுடுதலில் தங்கம் வென்ற 10-ம் வகுப்பு மாணவி பாஸிலா சாரா, வில் வித்தையில் தங்கம் வென்ற 8-ம் வகுப்பு மாணவி கனிஷ்கா, 100 மீ தடை தாண்டுதலில் தங்கம் வென்ற 6-ம் வகுப்பு மாணவர் ரிபு தமன், துப்பாக்கி சுடுதலில் வெண்கலப் பதக்கம் வென்ற 7-ம் வகுப்பு மாணவர் குரு சபரீஷ் ஆகியோருக்கு பாராட்டு தெரிவிக்கப்பட்டது. உடற்கல்வி ஆசிரியர் ஆன்டோ ஐசக் ஆண்டு விளையாட்டு அறிக்கை வாசித்தார். பள்ளியின் ஆசிரியர்கள் மற்றும் அலுவலர்கள் இதற்கான ஏற்பாடுகளை செய்திருந்தனர்.

Tags:    

Similar News