மேட்டூர் அணை நீர்மட்டம் 102.38 அடியாக சரிவு

மேட்டூர்:

காவிரி நீர்ப்பிடிப்பு பகுதிகளில் பெய்யும் மழையை பொறுத்து மேட்டூர் அணைக்கான நீர்வரத்து அதிகரிப்பதும், சரிவதுமாக உள்ளது.

நேற்று காலை விநாடிக்கு 948 கன அடியாக இருந்த நீர்வரத்து, இன்று காலை மேலும் சரிந்து விநாடிக்கு 797 கன அடியாக வந்து கொண்டிருக்கிறது. அணையில் இருந்து குடிநீர் தேவைக்காக விநாடிக்கு 1,500 கன அடி வீதம் தண்ணீர் திறக்கப்பட்டு வருகிறது.

நீர்வரத்தை விட அணையின் திறப்பு அதிகமாக இருப்பதால், நீர்மட்டம் வேகமாக சரிந்து வருகிறது. நேற்று 102.45 அடியாக இருந்த மேட்டூர் அணையின் நீர்மட்டம், இன்று 102.38 அடியாக குறைந்தது.