மேட்டூர் அணைக்கு நீர்வரத்து 841 கனஅடியாக சரிவு

மேட்டூர்:

காவிரி நீர்ப்பிடிப்பு பகுதிகளில் மழை இல்லாததால், ஒகேனக்கல் மற்றும் மேட்டூர் அணைக்கான நீர்வரத்து குறைந்துள்ளது. ஒகேனக்கல் காவிரியில் கடந்த சில நாட்களாக நீர்வரத்து விநாடிக்கு 2,000 கனஅடியாக நீடிக்கிறது.

அதே சமயம், மேட்டூர் அணைக்கு நேற்று 993 கன அடியாக இருந்த நீர்வரத்து, இன்று காலை விநாடிக்கு 841 கன அடியாக சரிந்துள்ளது. அணையில் இருந்து குடிநீர் தேவைக்காக விநாடிக்கு ஆயிரம் கனஅடி தண்ணீர் திறக்கப்பட்டு வருகிறது.

நேற்று 103.77அடியாக இருந்த மேட்டூர் அணையின் நீர்மட்டம், இன்று காலை 103.74 அடியாக சரிந்தது.