கும்மிடிப்பூண்டி அருகே வீட்டில் விளையாடிய 7-ம் வகுப்பு மாணவன் திடீர் மரணம்

பொன்னேரி:

கும்மிடிப்பூண்டி அடுத்த கோங்கல் மேடு கிராமத்தை சேர்ந்தவர் சுனிர். இவரது மகன் ஹைடன் (வயது12). பொன்னேரி அடுத்த கொக்குமேடு பகுதியில் உள்ள தனியார் பள்ளியில் 7-ம் வகுப்பு படித்து வந்தான்.

நேற்று மாலை மாணவன் ஹைடன் வீட்டின் அருகே விளையாடினான். பின்னர் அவன் வீட்டில் உள்ள தொட்டியில் குளித்துவிட்டு மாடிக்கு ஏறி சென்றான். அப்போது திடீரென மாணவன் ஹைடன் மயங்கி கீழே விழுந்தான்.

உடனடியாக பெற்றோர் அவனை மீட்டு அருகில் உள்ள தனியார் மருத்து வமனைக்கு கொண்டு சென்றனர். பரிசோதித்த டாக்டர்கள் ஏற்கனவே ஹைடன் இறந்து விட்டதாக தெரிவித்தனர்.

மாணவன் ஹைடன் எப்படி இறந்தான் என்பது குறித்து பாதிரிவேடு போலீசார் விசாரித்து வருகின்றனர்.