பயிற்சி மையத்திற்கு கருணாநிதி பெயர்

ராணிப்பேட்டை:

வாலாஜா ஊராட்சி ஒன்றிய குழு கூட்டம் ஊராட்சி ஒன்றிய அலுவலக கூட்ட அரங்கில் நடந்தது.

ஒன்றிய குழு தலைவர் வெங்கட்ர மணன் தலைமை தாங்கி பேசினார்.துணைத்த லைவர் ராதாகி ருஷ்ணன் முன்னிலை வகித்தார்.

கூட்டத்தில் வாலாஜா ஊராட்சி ஒன்றிய வளாகத்தில் பயிற்சி மையம் அமைத்திட போதுமான இடம் உள்ளது,

ராணிப்பேட்டை மாவட்டத்தில் படித்த இளைஞர்கள் வேலை வாய்ப்பிற்கும், டி.என்.பி.எஸ்.சி உள்பட போட்டி தேர்வுகளில் வெற்றி பெறும் வண்ணம் சிறப்பு பயிற்சி வழங்க பயிற்சி மையம் அமைக்க வேண்டும்.

அந்த பயிற்சி மையத்திற்கு முன்னாள் முதல் அமைச்சர் கருணாநிதி நூற்றாண்டு விழா நினைவு பயிற்சி மற்றும் வழிகாட்டி மையம் என பெயர் சூட்ட வேண்டும்.

வாலாஜா ஒன்றியத்தில் தனியார் பங்களிப்புடன் நமக்கு நாமே திட்டத்தில் கட்டப்பட்டு வரும் 19 கிராம துணை சுகாதார நிலைய கட்டிடங்களுக்கும் முன்னால் முதல்வர் பெயர் சூட்ட வேண்டும்.

ஒன்றியத்திற்குட்பட்ட ஊராட்சி பகுதிகளில் சிமெண்ட் சாலை, தார் சாலை, கழிவு நீர் கால்வாய்கள், பைப் லைன்கள் அமைப்பது உள்பட பல்வேறு தீர்மானங்கள் நிறை வேற்றப்பட்டன.

கூட்டத்தில் வட்டார வளர்ச்சி அலுவலர் ரவி உள்பட ஒன்றியக்குழு உறுப்பினர்கள் கலந்து கொண்டனர்.