பெரம்பலூரில் திருமாவளவன் எம்.பி. பிறந்தநாள் விழா
- வேப்பூர் வடக்கு ஒன்றிய விடுதலை சிறுத்தைகள் கட்சியின் சார்பில் அதன் மாநில தலைவர் தொல்.திருமாவளவன் எம்.பி.யின் 60-வது பிறந்தநாள் விழா வீரமநல்லூரில் கொண்டாடப்பட்டது.
- பிறந்த நாளை யொட்டி மாணவ, மாணவிகளுக்கு இலவச நோட்டுகள், பேனாக்கள் வழங்கப்பட்டது.
பெரம்பலூர் :
பெரம்பலூர் மாவட்டம் குன்னம் வட்டம் வேப்பூர் வடக்கு ஒன்றிய விடுதலை சிறுத்தைகள் கட்சியின் சார்பில் அதன் மாநில தலைவர் தொல்.திருமாவளவன் எம்.பி.யின் 60-வது பிறந்தநாள் விழா வீரமநல்லூரில் கொண்டாடப்பட்டது.
இதனையொட்டி 600 பேருக்கு அன்னதானம் மற்றும் மாணவ, மாணவிகளுக்கு இலவச நோட்டுகள், பேனாக்கள் வழங்கப்பட்டது. விழாவுக்கு மாவட்ட செயலாளர் தமிழ் மாணிக்கம் தலைமை தாங்கினார். வேப்பூர் ஒன்றிய செயலாளர் வடக்கு வரதராஜன் முன்னிலை வகித்தார்.
மேலும் விழாவுக்கு விவசாய அணி மாநில செயலாளர் வீர செங்கோலன், வேப்பூர் ஒன்றிய துணை சேர்மன் செல்வராணி வரதராஜன் ஆகியோர் திருமாவளவனின் அறுபதாவது வயதை குறிக்கும் வகையில் 60 கிலோ கொண்ட பெரிய கேக்கை வெட்டி பொதுமக்களுக்கு வழங்கினர்.
நிகழ்ச்சியில் பெரம்பலூர் நகராட்சி கவுன்சிலர் சண்முகசுந்தரம், மாநில தொண்டரணி துணை செயலாளர் கராத்தே பெரியசாமி, மாவட்ட நிர்வாகிகள் தென்றல் இளவரசன், பொன் சங்கர், பெருஞ்சித்திரன், புதியவன், தொண்டரணி கொளஞ்சிநாதன், குணசேகர், அம்பேத்குமார், கருப்பன், கரும்பு மணிகண்டன், சின்னதுரை ஆகியோர் கலந்து கொண்டனர்.
இறுதியில் பொதுமக்கள் மாணவ மாணவிகள் அனைவருக்கும் அன்னதானம், கேக், லட்டு வழங்கப்பட்டது. விழாவிற்கான ஏற்பாடுகளை வேப்பூர் வடக்கு ஒன்றிய செயலாளர் வரதராஜன் செய்திருந்தார்.