கிராம உதவியாளர் பணிக்கு நேர்முகத்தேர்வு

பல்லடம் :

பல்லடத்தில் கடந்த டிசம்பர் 4-ந்தேதி நடைபெற்ற கிராம அலுவலக உதவியாளர் பணி எழுத்து தேர்வில் 306 பேர் கலந்து கொண்டு தேர்வு எழுதினர். இதையடுத்து தாலுகா அலுவலகத்தில் கிராம உதவியாளர் பணி நேர்முகத் தேர்வு நடைபெற்றது.

இது குறித்து பல்லடம் தாசில்தார் நந்தகோபால் கூறியதாவது:- கிராம உதவியாளர் தேர்விற்கு 306 பேர் தேர்வு எழுதினர்.

அவர்களுக்கான நேர்முகத்தேர்வு, தாலுகா அலுவலகத்தில் நடைபெற்று வருகிறது. தினமும் 60 பேர் வீதம் நேர்முகத்தேர்வு நடைபெறுகிறது. வரும் 10ந் தேதி வரை நேர்முகத் தேர்வு நடைபெறும். இவ்வாறு அவர் தெரிவித்தார்.