மாணவிகளுக்கு தொடுதல் குறித்த விழிப்புணர்வு தேவை- டாக்டர் பேச்சு

வேலூர்:

வேலூர் தோட்டப் பாளையம் அரசு பெண்கள் மேல்நிலைப்பள்ளியில் பெண்களுக்கான பாதுகாப்பு குறித்த விழிப்புணர்வு நிகழ்ச்சி இன்று நடந்தது. 

இதில் மகப்பேறு மருத்துவர் சுமிதா லட்சுமி கலந்து கொண்டு பேசியதாவது:-

பெண்களுக்கு பாலியல் குறித்த விழிப்புணர்வு வேண்டும். மாணவ மாணவிகள் பேட் டச் குட் டச் குறித்து தெரிந்திருக்கவேண்டும். தங்களை பாதுகாத்து கொள்ள தெரியவேண்டும். 

ஒருவர் தொடுகிறார் என்றால் அவர் எதற்காக தொடுகிறார் என்பதை புரிந்து கொள்ள வேண்டும்.

கடந்த 2018-ம் ஆண்டு பள்ளிகளில் மாணவிகளுக்கு பாலியல் தொல்லை கொடுத்ததாக 124 நாள் புகார்கள் வந்தன. 2019-ம் ஆண்டில் பள்ளிகளில் மாணவிகளுக்கு பாலியல் தொல்லை கொடுத்த புகார் 500-ஆக அதிகரித்தது.

15 முதல் 24 வயதுக்கு உட்பட்டவர்கள் 23 லட்சம் பேருக்கு புதிதாக எய்ட்ஸ் பாதிப்பு ஏற்பட்டுள்ளது. பாலியல் குறித்த கல்வி விழிப்புணர்வு இல்லாததே இதற்கு காரணம். 

இவ்வாறு அவர் பேசினார்.

நிகழ்ச்சியில் கவிதா குமாரவேல் பாண்டியன் உட்பட பலர் கலந்து கொண்டனர்.