உள்ளூர் செய்திகள்
விருதுநகர் மாவட்டத்தில் 2 இளம்பெண்கள் மாயமாகினர்.
விருதுநகர்
ஆலங்குளம் அருகே உள்ள கொங்கன்குளத்தைச் சேர்ந்தவர் சஞ்சீவிராஜ். இவரது மனைவி வெங்கடேஸ்வரி (வயது 30). இவர்களுக்கு ஒரு மகன், ஒரு மகள் உள்ளனர். குடும்ப தகராறு காரணமாக வெங்கடேஸ்வரி கங்கர்செவல் கிராமத்தில் தந்தை வீட்டுக்கு வந்து விட்டார்.
இந்த நிலையில் அவர் திடீரென மாயமாகி விட்டார். இதுகுறித்து அவரது தந்தை பெருமாள்சாமி கொடுத்தபுகாரின்பேரில் ஆலங்குளம் போலீசார் வழக்குப்பதிவு செய்து விசாரணை நடத்தி வருகின்றனர்.
சாத்தூர் அருகே மேலமேட்டூர் கிராமத்தை சேர்ந்தவர் முனியசாமி. இவரது மகள் முனியம்மாள் (20). தீப்பெட்டி ஆலையில் வேலை பார்த்து வந்த இவர், திடீரென மாயமாகி விட்டார். இதுகுறித்த புகாரின்பேரில் ஏழாயிரம்பண்ணை போலீசார் வழக்குப்பதிவு செய்து விசாரணை நடத்தி வருகின்றனர்.