செஸ் வரியை ரத்து செய்தால், ஜி.எஸ்.டி.-க்குள் பெட்ரோல், டீசல் விலை: பழனிவேல் தியாகராஜன்

மதுரை மாநகராட்சி பகுதியில் உள்ள சாலையோர வியாபாரிகளுக்கு தேசிய நகர்ப்புற வாழ்வாதார இயக்கம் சார்பில் 250 புதிய தள்ளு வண்டிகளை வழங்கிய தமிழக நிதியமைச்சர் பழனிவேல் தியாகராஜன் செய்தியாளர்களை சந்தித்தார். 

அப்போது பெட்ரோல், டீசல் விலையை ஜி.எஸ்.டி.-யின் கீழ்கொண்டு வரும் நிலைப்பாட்டை தி.மு.க. மாற்றிக்கொண்டதா? என முன்னாள் முதல்வரும், முன்னாள் நிதியமைச்சருமான ஓ. பன்னீர்செல்வம் எழுப்பிய கேள்விக்கு பதில் அளிக்கையில் ‘‘பெட்ரோல், டீசல் விலை மீதான செஸ் வரியை ஒன்றிய அரசு ரத்து செய்யுமானால், ஜி.எஸ்.டி-க்குள் இரண்டின் விலையையும் கொண்டு வரத்தயார்.

பெட்ரோல், டீசல் விலை மீதான ஜி.எஸ்.டி. விவகாரத்தில் வரி நிலைமை மாறியதால், நிலைப்பாடும் மாற்றப்பட்டுள்ளது’’ என்றார்.

கடந்த வாரம் ஜி.எஸ்.டி. கவுன்சில் கூட்டம் நடைபெற்றது. இதில் கலந்த கொண்ட அனைத்து உறுப்பினர்களும் ஜி.எஸ்.டி.-க்குள் பெட்ரோல், டீசல் விலையை கொண்டு வருவதற்கு எதிராக கருத்து தெரிவித்தனர் என மத்திய நிதியமைச்சர் நிர்மலா சீதாராமன் தெரிவித்திருந்தார் என்பது குறிப்பிடத்தக்கது.

இதையும் படியுங்கள்... உலகின் சிறந்த பினிஷராக விருப்பம்: டெல்லி கேப்பிடல்ஸ் அணி வீரர் சொல்கிறார்