செய்திகள்
திருத்துறைப்பூண்டியில் 2 நாட்கள் குடிநீர் வினியோகம் நிறுத்தம்
திருத்துறைப்பூண்டி நகராட்சி பகுதியில் வருகிற 2-ந் தேதி, 3-ந் தேதி ஆகிய 2 நாட்களுக்கு குடிநீர் வினியோகம் நிறுத்தம் செய்யப்படுகிறது.
திருத்துறைப்பூண்டி:
திருத்துறைப்பூண்டி நகராட்சிக்கு குடிநீர் வழங்கும் வேதாரண்யம் கூட்டு குடிநீர் திட்ட பிரதான நீர் உந்து குழாய்களில் ஏற்பட்டுள்ள கசிவினை சரி செய்யும் பணி தமிழ்நாடு குடிநீர் வடிகால் வாரியத்தால் மேற்கொள்ளப்பட உள்ளது.
இதன் காரணமாக திருத்துறைப்பூண்டி நகராட்சி பகுதியில் வருகிற 2-ந் தேதி, 3-ந் தேதி ஆகிய 2 நாட்களுக்கு குடிநீர் வினியோகம் நிறுத்தம் செய்யப்படுகிறது. எனவே பொதுமக்கள் குடிநீரை சேமித்து வைத்து சிக்கனமாக பயன்படுத்தும்படி நகராட்சி ஆணையர்(பொறுப்பு) சந்திரசேகரன் தெரிவித்தார்.