ரஜினிக்கு உதவி செய்வேன், ஆனால் ஒரு நிபந்தனை- சுப்பிரமணியசாமி

காஞ்சிபுரம்:

சென்னை கோடம்பாக்கத்தில் உள்ள ராகவேந்திரா மண்டபத்தில் ரஜினிகாந்த் இன்று மாவட்ட செயலாளர்களை சந்தித்துப் பேசினார். இதில் 37 மாவட்ட செயலாளர்கள் பங்கேற்றனர். இந்த சந்திப்பின்போது அரசியல் கட்சி பெயர் முடிவு செய்யப்படலாம் என எதிர்பார்க்கப்பட்டது. மாவட்ட செயலாளர்கள் சந்திப்பு கூட்டம் முடிந்து ரஜினிகாந்த் தனது போயஸ் கார்டன் இல்லத்திற்கு சென்றார்.

அங்கு செய்தியாளர்களை சந்தித்த ரஜினிகாந்த் கூறுகையில், மாவட்ட செயலாளர்களுடன் ஆலோசித்ததில் ஒரு விஷயத்தில் எனக்கு திருப்தியில்லை ஏமாற்றமே. திருப்தியில்லாத, ஏமாற்றமடைந்த விஷயம் என்னவென்று பின்னர் கூறுகிறேன் என தெரிவித்திருந்தார்.

இந்நிலையில், காஞ்சிபுரத்தில் பாஜக மூத்த தலைவர் சுப்பிரமணியசாமி நிருபர்களுக்கு பேட்டி அளித்தார். அப்போது அவர் கூறும்போது, நடிகர் ரஜினிகாந்த் முதலில் அரசியலுக்கு வரட்டும். இந்து மதத்திற்காக ரஜினிகாந்த் அரணாக இருப்பார் என்றால் அவருக்கு கட்டாயம் உதவி செய்வேன் என்றார்.