கடலோர மாவட்டங்களில் மழைக்கு வாய்ப்பு- இந்திய வானிலை மையம்

சென்னை:

வடகிழக்கு பருவமழை அக்டோபர் 3-வது வாரத்தில் தொடங்கும். இந்த ஆண்டு வங்க கடலில் லுபான், டிட்லி என இரு புயல்கள் உருவானதால் பருவமழை தொடங்குவதில் தாமதம் ஏற்பட்டது.

தற்போது தென்மேற்கு வங்க கடலில் இலங்கை அருகே வளிமண்டல மேலடுக்கு சுழற்சியால் காற்றழுத்தம் உருவாகியுள்ளது. இதன் காரணமாக தமிழகத்தில் பரவலாக மழை பெய்து வருகிறது.

இதன் காரணமாக 1-ந்தேதி முதல் தமிழகத்தில் பருவமழை பெய்யும். கடலோர மாவட்டங்களில் மிதமான மழை பெய்யும் என்று அறிவிக்கப்பட்டுள்ளது.

தென்மேற்கு பருவ மழை இந்த மாதம் 21-ந் தேதி வரை நீடித்தது. தென்மேற்கு பருவமழை காலத்தில் தமிழகத்திலும் மழை பெய்தது. அக்டோபர் 1-ந்தேதி முதல் 29-ந்தேதி வரை தமிழகத்தில் 24 செ.மீ. மழை பெய்ய வேண்டும். ஆனால் 12 செ.மீ. மழைதான் பெய்துள்ளது. இது 50 சதவீதம் குறைவு.

புதுச்சேரியில் 17 செ.மீ.க்கு பதில் 16 செ.மீ. பெய்துள்ளது. இது 9 சதவீதம் குறைவு என்று வானிலை மையம் தெரிவித்துள்ளது. #NortheastMonsoon #IMD #TNRains