கோபாலபுரம் இல்லத்தில் இருந்து ஆழ்வார்பேட்டை வீட்டிற்கு திரும்பினார் மு.க.ஸ்டாலின்

சென்னை:

திமுக தலைவர் கருணாநிதி உடல்நலக் குறைவு காரணமாக சென்னை கோபாலபுரம் இல்லத்தில் ஓய்வெடுத்து வருகிறார். வயோதிகம் காரணமாக அவர் உடல் நலம் நலிந்து உள்ளதாகவும், சிறுநீரக தொற்று காரணத்தால் காய்ச்சல் உள்ளதாகவும் காவேரி மருத்துவமனை அறிக்கை வெளியிட்டுள்ளது. மருத்துவக் குழுவினர் வீட்டிலேயே இருந்து அவரை கவனித்து வருகின்றனர்.

இதற்கிடையே, கருணாநிதியை சந்திக்க துணை முதல்வர் ஓ.பன்னீர் செல்வம், அமைச்சர்கள் ஜெயக்குமார், தங்கமணி, வேலுமணி ஆகியோர் கோபாலபுரம் இல்லத்துக்கு வந்தனர். தொடர்ந்து திருமாவளவன், ஜி.கே.வாசன், கமல்ஹாசன்ம் சரத்குமார் உள்பட பலர் வந்தனர். அவரது உடல்நலம் குறித்து ஸ்டாலினிடம் விசாரித்தனர்.

இந்நிலையில், அரசியல் தலைவர்கள் வந்து சென்றதும் திமுக செயல் தலைவர் மு.க.ஸ்டாலின் கோபாலபுரம் இல்லத்தில் இருந்து ஆழ்வார்பேட்டை இல்லத்துக்கு புறப்பட்டுச் சென்றார்.

மு.க.அழகிரி நாளை காலை சாலை மார்க்கமாக வந்து கருணாநிதியை சந்திக்க உள்ளார் என தகவல்கள் தெரிவிக்கின்றன.