நீட் தேர்வுக்கான விடைத்தாள் இணைய தளத்தில் இன்று வெளியிடப்பட்டது

தருமபுரி:

எம்.பி.பி.எஸ் மற்றும் பி.டி.எஸ். படிப்புகளில் சேருவதற்கான நீட் நுழைவுத் தேர்வு கடந்த 6-ந்தேதி நடந்தது. இந்த தேர்வுக்கான விடைத்தாள் இன்று காலை சி.பி.எஸ்.இ. இணைய தளத்தில் வெளியிடப்பட்டுள்ளது.

அதேபோல மாணவ, மாணவிகள் எழுதி இருந்த தேர்வுக்கான விடைத்தாள் மற்றும் கேள்விக்கான பதில்கள் பிரிவு வாரியாகவும் (ஆன்சர் கீ) இணைய தளத்தில் வெளியிடப்பட்டுள்ளது. தேர்வு எழுதிய மாணவ, மாணவிகள் விடைத்தாள் குறித்து ஆட்சேபணை இருந்தால் ரூ.1000 கட்டி சி.பி.எஸ்.இ.க்கு முறையீடு செய்யலாம். இந்த விடைத்தாள் மற்றும் ஆன்சர் கீ ஆகியவற்றை வருகிற 27-ந்தேதி மாலை 5 மணி வரை மாணவ, மாணவிகள் இணைய தளத்தில் பார்க்கலாம். அடுத்த மாதம் 5-ந்தேதி நீட் தேர்வு முடிவுகள் வெளியாக உள்ளனர். #NEETExam #NEET