ஹைட்ரோ கார்பன் திட்டத்திற்கு தமிழக அரசு மறைமுகமாக ஆதரவு அளிக்கிறது: மு.க.ஸ்டாலின்

புதுக்கோட்டை:

புதுக்கோட்டையில் இன்று நடைபெறும் நிகழ்ச்சிகளில் பங்கேற்க வந்த தி.மு.க. செயல்தலைவரும், சட்டமன்ற எதிர்க்கட்சி தலைவருமான மு.க.ஸ்டாலின் நிருபர்களிடம் கூறியதாவது:-



ஹைட்ரோ கார்பன் திட்ட விவகாரத்தில் மத்திய அரசு இரட்டை நிலைப்பாட்டில் உள்ளது. நெடுவாசலில் அத்திட்டத்தை நிறைவேற்ற மாட்டோம் என்று கூறியுள்ளார்கள். ஆனால் அதற்கான ஒப்பந்தத்தில் கையெழுத்திட்டுள்ளனர். ஹைட்ரோ கார்பன் திட்டத்திற்கு தமிழக அரசு மறைமுகமாக ஆதரவு அளிக்கிறது. ஹைட்ரோ கார்பன் திட்டத்திற்கு எதிராக தி.மு.க. சார்பில் போராட்டம் நடத்தப்படும்.



டெல்லியில் போராட்டம் நடத்தும் விவசாயிகள் பா.ஜனதா தலைவர்கள் கொச்சைப்படுத்தி பேசி வருவது கண்டிக்கத்தக்கது. விவசாயிகளின் கோரிக்கையை மத்திய அரசு நிறைவேற்ற வேண்டும். தமிழக முதல்வர் போராட்டம் நடத்தும் விவசாயிகளை சந்தித்து பேசாதது ஏன்?.

இவ்வாறு அவர் கூறினார்.