இந்தியாவில் 2017 ஹூன்டாய் வெர்னா அறிமுகம் செய்யப்பட்டது: விலை மற்றும் சிறப்பம்சங்கள்

புதுடெல்லி:

ஹூன்டாய் நிறுவனத்தின் 2017 வெர்னா மாடல் கார் இந்தியாவில் அறிமுகம் செய்யப்பட்டுள்ளது. இந்தியாவில் ரூ.7.99 லட்சத்தில் துவங்கி டாப் எண்ட் மாடல் ரூ.12.61 லட்சம் வரை நிர்ணயம் செய்யப்பட்டுள்ளது. எனினும் இந்த விலை புதிய வெர்னா காரை வாங்கும் முதல் இருபது வாடிக்கையாளர்களுக்கு மட்டுமே பொருந்தும் என்றும் அதன்பின் காரின் விலை உயரும் என தெரிவிக்கப்பட்டுள்ளது.

புதிய தலைமுறை வெர்னா மாடல் முதற்கட்டமாக செப்டம்பர் 2016-ம் ஆண்டு அறிமுகம் செய்யப்பட்டது. புதிய வெர்னா வடிவமைப்பு எலான்ட்ரா மாடலை தழுவி வடிவமைக்கப்பட்டு, பல்வேறு புதிய அம்சங்கள் வழங்கப்பட்டுள்ளது. முன்பக்கம் அதிகப்படியான மாற்றங்களுடன் ஹெக்சாகோனல் கிரில் மற்றும் ப்ரோஜெக்டர் ஹெட்லேம்ப்கள் வழங்கப்பட்டுள்ளது. இதன் பம்ப்பர் மாற்றப்பட்டு ஃபாக் ஹெட்லேம்ப்கள் வழங்கப்பட்டுள்ளது.  

புதிய தலைமுறை வெர்னா வில் K2 பிளாட்ஃபார்ம் சார்ந்து வடிவமைக்கப்பட்டு ஃப்ளூயிடிக் 2.0 டிசைன் கொண்டுள்ளது. இதன் இன்டீரியர் பெய்கீ மற்றும் பிளாக் என டூயல்-டோன் கலர் கொண்டுள்ளது. இதன் சீட்கள் லெதர் மற்றும் சாதாரான துணி என வாடிக்கையாளர்கள் விரும்பும் வகையில் வழங்கப்படுகிறது. இத்துடன் 7-இன்ச் டச் ஸ்கிரீன் இன்ஃபோடெயின்மென்ட் சிஸ்டம், ஆண்ட்ராய்டு மற்றும் ஐஓஎஸ் இயங்குதளங்களை சப்போர்ட் செய்யும் என ஹூன்டாய் தெரிவித்துள்ளது.

இத்துடன் மிரர்லின்க் மற்றும் ஹூன்டாய் ஐப்ளூ ஆடியோ ஸ்மார்ட்போன் ஆப், 16-இன்ச் டைமண்ட் கட் அலாய் வீல்கள் வழங்கப்பட்டுள்ளது. முந்தைய மாடல்களில் சாதாரண அலாய் அல்லது ஸ்டீல் அலாய் வழங்கப்பட்டது. மேலும் புதிய தலைமுறை க்ரூஸ் கண்ட்ரோல், பின்புற ஏசி வென்ட், சன் ரூஃப் உள்ளிட்டவை வழங்கப்பட்டுள்ளது.   

புதிய வெர்னா 2017 மாடலில் டூயல் ஏர்பேக், ABS, EBD, ஸ்டான்டர்டு ஃபிட்மென்ட், ஆறு ஏர்பேக் வழங்கப்பட்டுள்ளது. புதிய வெர்னா மாடல் ஏற்கனவே கூறப்பட்டதை போன்று E, EX, SX மற்றும் SX (O) என நான்கு வித மாடல் மற்றும் ஏழு வித நிறங்களில் வெளியிடப்பட்டுள்ளது.

இத்துடன் 1.6 லிட்டர் பெட்ரோல் மற்றும் டீசல் இன்ஜின் ஆப்ஷன்கள் வழங்கப்பட்டுள்ளது. 1.6 லிட்டர் பெட்ரோல் இன்ஜின் 121 bhp, 151 Nm பீக் டார்கியூ மற்றும் டீசல் இன்ஜின் 126 bhp, 260 Nm பீக் டார்கியூ செயல்திறன் கொண்டுள்ளது. இரண்டு இன்ஜின்களிலும் 6-ஸ்பீடு மேனுவல் டிரான்ஸ்மிஷன் மற்றும் 6-ஸ்பீடு ஆட்டோமேடிக் டார்கியூ வழங்கப்பட்டுள்ளது.

இந்தியாவில் ஹூன்டாய் வெர்னா மாருதி சுசுகி சியாஸ் மற்றும் ஹோன்டா சிட்டி போன்ற மாடல்களுக்கு போட்டியாக அமையும்.