லைஃப்ஸ்டைல்
ஃபிங்கர் சிப்ஸ்

வீட்டிலேயே ஃபிங்கர் சிப்ஸ் செய்யலாம் வாங்க

Published On 2021-03-31 09:31 GMT   |   Update On 2021-03-31 09:31 GMT
குழந்தைகளுக்கு பிடித்தமான ஃபிங்கர் சிப்ஸை கடைகளில் வாங்கி கொடுத்து இருப்பீங்க. இன்று வீட்டிலேயே எளிய முறையில் ஃபிங்கர் சிப்ஸ் செய்வது எப்படி என்று பார்க்கலாம்.
தேவையான பொருட்கள்

உருளைக்கிழங்கு - 1/2 கிலோ
சோள மாவு - 2 டேபிள் ஸ்பூன்
மஞ்சள் பொடி - 1/2 ஸ்பூன்
மிளகாய் வற்றல் பொடி - 1 1/2 டேபிள் ஸ்பூன்
காஷ்மீரி மிளகாய் வற்றல் பொடி - 1/2 டேபிள் ஸ்பூன்
உப்பு - தேவையான அளவு
கடலை எண்ணெய் - பொரிக்க தேவையான அளவு

செய்முறை

முதலில் உருளைக் கிழங்கின் தோலினை சீவிக் கொள்ளவும்.

பின்னர் உருளைக் கிழங்கினை நீளவாக்கில் 1/4 இன்ஞ் தடிமனில் வட்ட வட்டமாக வில்லைகளாக வெட்டிக் கொள்ளவும்.

ஒரு பாத்திரத்தில் தண்ணீர் ஊற்றி வெட்டிய உருளைக் கிழங்கு வில்லைகளைப் போடவும்.

பின்னர் வட்ட வில்லைகளை நீளவாக்கில் மெல்லிய துண்டுகளாக விரல் வடிவத்தில் வெட்டி தண்ணீரில் போடவும்.

விரல் வடிவத்துண்டுகள் ஒரே அளவில் இருக்குமாறு வெட்டிக் கொள்ளவும். அப்போதுதான் எண்ணெயில் பொரித்து எடுக்கும்போது ஒரே சீராக வேகும்.

உருளைக் கிழங்கு துண்டுகளை வடிகட்டியில் போட்டு வடித்துக் கொள்ளவும்.

காட்டன் துணியில் வடிகட்டி உருளைக் கிழங்கு துண்டுகளை உலர்த்தி விடவும்.

ஒரு கிண்ணத்தில் சோள மாவு, மிளகாய் வற்றல் பொடி, மஞ்சள் பொடி, காஷ்மீரி மிளகாய் வற்றல் பொடி, தேவையான உப்பு ஆகியவற்றை சேர்த்து ஒரு சேர கிளறிக் கொள்ளவும்.

உருளைக் கிழங்கின் மேற்புறம் உலர்ந்த பின்பு அதனை எடுத்து வாயகன்ற பாத்திரத்தில் போட்டு அதில் சோள மாவுக் கலவையை சேர்க்கவும்.

எல்லா கிழங்கிலும் சோள மாவுக் கலவை படுமாறு நன்கு குலுக்கி விடவும்.

வாணலியை அடுப்பில் வைத்து அதில் எண்ணெய் ஊற்றி சூடானதும் சோளமாவு பிரட்டிய உருளைக் கிழங்கினை போட்டு மிதமான தீயில் வைத்து பொரித்து எடுக்கவும்.

சுவையான உருளைக்கிழங்கு ஃபிங்கர் சிப்ஸ் தயார்.

குறிப்பு

விருப்பமுள்ளவர்கள் சோள மாவிற்கு பதிலாக அரிசி மாவையோ, மைதாவையோ பயன்படுத்தி சிப்ஸ் தயார் செய்யலாம். விருப்பமுள்ளவர்கள் மிளகாய்ப் பொடிக்குப் பதில் மிளகுப் பொடி சேர்த்தும் சிப்ஸ் தயார் செய்யலாம்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News