பிரெட்டில் செய்யலாம் குளுகுளு குல்ஃபி

தேவையான பொருட்கள்

பிரெட் - தேவைக்கேற்ப,
பால் - 1/2 கப்,
குங்குமப்பூ - சிறிது,
பாதாம் மில்க் பவுடர் - 2 டீஸ்பூன்,
கன்டன்ஸ்டு மில்க் - 1/2 டின்,
சோள மாவு - 1 டீஸ்பூன்,


செய்முறை

 பிஸ்தா, பாதாமை ஊற வைத்து தோல் உரித்து அவற்றை சிறு துண்டுகளாக நறுக்கி கொள்ளவும்

முந்திரியையும் சிறு துண்டுகளாக நறுக்கிக் கொள்ளவும்.

பிரெட்டின் ஓரத்தை வெட்டி விட்டு மிக்ஸியில் போட்டு தூளாக்கவும்.

கடாயில் காய்ச்சிய பாலை ஊற்றி, அதில் கன்டன்ஸ்டு மில்க், பிரெட் தூள் கலந்து கொதிக்க விடவும்.

சிறிது பாலில் ஊற வைத்த குங்குமப் பூவை சேர்த்து நன்றாக கலந்து அத்துடன் சேர்க்கவும்.

அடுத்து அதில் சோள மாவு, பாதாம் மில்க் பவுடரை கொதிக்கும் பாலில் கலக்கவும்.

அடுத்து அதில் நறுக்கிய பிஸ்தா, பாதாம், முந்திரியை சேர்த்து சற்று திக்கான பதம் வந்தவுடன் இறக்கி விடவும்.

கலவை ஆறிய பின் குல்ஃபி மோல்டில் ஊற்றி, ஃப்ரிட்ஜில் 4 மணி நேரம் வைத்திருந்து பரிமாறவும்.