சாதத்திற்கு அருமையான முள்ளங்கி சாம்பார்

தேவையான பொருட்கள்

முள்ளங்கி - 1/4 கிலோ,
சின்ன வெங்காயம் - 10,
தக்காளி - 1,
துவரம்பருப்பு - 1 கப்,
மஞ்சள் பொடி - 1/2 டீஸ்பூன்,
புளி - சிறிய எலுமிச்சையளவு,
குழம்பு மிளகாய் பொடி - 2 டீஸ்பூன்,
எண்ணெய் - 3 டீஸ்பூன்,
உப்பு - தேவைக்கு,
கறிவேப்பிலை - சிறிது,
கடுகு - 1/4 டீஸ்பூன்,
உளுத்தம்பருப்பு - 1/4 டீஸ்பூன்,
சீரகம் - 1/4 டீஸ்பூன்,
வெந்தயம் -  1/4 டீஸ்பூன்,

செய்முறை

முள்ளங்கியை தோல் சீவி வட்ட வட்டமாக நறுக்கிக்கொள்ளவும்.

துவரம் பருப்பை நன்றாக கழுவி குக்கரில் போட்டு மஞ்சள் தூள் சேர்த்து வேக வைத்து கொள்ளவும்.

தக்காளி, வெங்காயத்தை சிறு துண்டுகளாக நறுக்கிக் கொள்ளவும்.

துவரம்பருப்புடன் மஞ்சள் பொடி சேர்த்து குக்கரில் வேக வைத்துக் கொள்ளவும்.

ஒரு வாணலியில் எண்ணெய் சூடாக்கி அதில் கடுகு, உளுத்தம்பருப்பு, சீரகம், வெந்தயம், பெருங்காயம் போட்டு தாளித்து பின் கறிவேப்பிலை, வெங்காயம் சேர்த்து வதக்கவும்.

வெங்காயம் நன்றாக வதங்கியதும் தக்காளியை சேர்த்து குழைய வதக்கவும்.

தக்காளி குழைய வதங்கியதும் முள்ளங்கியை போட்டு வதக்கி, வேக வைத்துள்ள துவரம்பருப்பு, தேவையான அளவு தண்ணீர் சேர்த்து கொதிக்க விடவும்.

அடுத்து அதில் புளியைக் கரைத்து ஊற்றி, உப்பு, மிளகாய் பொடி சேர்க்கவும்.

முள்ளங்கி வெந்ததும் இறக்கி பரிமாறவும்.

சூப்பரான முள்ளங்கி சாம்பார் ரெடி.