ஹோட்டல் ஸ்டைல் வான்கோழி கபாப்

தேவையான பொருட்கள்:

வான்கோழி கறி - அரை கிலோ
பச்சை மிளகாய் - 4
ஏலக்காய்த்தூள் - கால் டீஸ்பூன்
இஞ்சி பூண்டு விழுது - 2 தேக்கரண்டி
கரம் மசாலா - ஒரு டீஸ்பூன்
மஞ்சள் தூள் - அரை டீஸ்பூன்
சீரகத்தூள் - அரை டீஸ்பூன்
சீஸ் - 2 டீஸ்பூன்
பொரித்த வெங்காயம் - ஒரு கைப்பிடி
துளசி இலை - 10
குங்குமப்பூ - ஒரு சிட்டிகை

செய்முறை :

துளசி இலை, ப. மிளகாயை பொடியாக நறுக்கி கொள்ளவும்.

வான்கோழியை நன்றாக சுத்தம் செய்து சிறிய துண்டுகளாக வெட்டிக் கொள்ளவும்.

அத்துடன், இஞ்சி பூண்டு, பச்சை மிளகாய், ஏலக்காய்த்தூள், கரம் மசாலா, மஞ்சள் தூள், சீரகத்தூள், சீஸ், பொரித்த வெங்காயம், பொடியாக நறுக்கிய துளசி இலை அனைத்தும் சேர்த்து நன்றாக கலவ்து இரண்டு கத்திகளைக் கொண்டு நன்றாக கொத்திக் கொள்ளவும்.

இறுதியாக உப்பு, குங்குமப்பூ சேர்த்து கலக்கவும்.

தவாவை அடுப்பில் வைத்து எண்ணெய்விட்டு சூடானதும், கலவையில் இருந்து கொஞ்சமாக எடுத்து தவாவில் போட்டு இரண்டு பக்கமும் வேகவைத்து எடுக்கவும்.