சுவையான சாக்லேட் காஜு கத்லி

தேவையான பொருட்கள்

முந்திரி - 2 1/4 கப்
சர்க்கரை - 1 கப்
தண்ணீர் - 100 மில்லி

செய்முறை

முந்திரியை நன்கு மிக்ஸியில் போட்டு அரைத்து கொள்ளவும்.

அடிகனமான பாத்திரத்தில் சர்க்கரை மற்றும் தண்ணீர் சேர்த்து கொதிக்க விடவும். சர்க்கரை முழுவதுமாக கரையும் வரை மிதமான சூட்டில் வைத்திருக்கவும்.

சர்க்கரை பாகு ஒரு நூல் பதத்திற்கு வரும்வரை அதனை காய்ச்சி, 15-20 நிமிடங்கள் வரை வைக்கவும்.

அரைத்து வைத்த முந்திரியை சர்க்கரை பாகுடன் சேர்த்து 4-5 நிமிடங்கள் வரை கெட்டியாக வரும்வரை கிளறி கொண்டே இருக்கவும். அடுப்பை நிறுத்திவிட்டு சிறிது நேரம் ஆற வைக்கவும்.

பின் கைகளில் நெய் தடவி கொண்டு இந்த மாவை மென்மையாக பிசைந்து கொள்ளவும்.

ஒரு பட்டர் ஷீட்டில் இந்த மாவை வைத்து ரோல் செய்து 5-6 மிமீ வரை உருட்டி கொள்ளவும்.

ஒரு சாஸ்பேனில் பௌல் வைத்து அதில் டார்க் சாக்லேட் சேர்த்து உருகும் வரை கிளறவும். .

சாக்லேட் உருகியதும் காஜூ கத்லி மாவில் இதனை சேர்த்து சமமாக பரப்பி கொள்ளவும்.

ஆறியபின் இதனை ஃப்ரிட்ஜில் வைத்து எடுத்து உங்களுக்கு பிடித்த வடிவத்தில் வெட்டி பரிமாறலாம்.