பிரெட் முட்டை உப்புமா

தேவையான பொருட்கள்:

பிரெட் - 6,
முட்டை - 2,
வெங்காயம் - 1,
கடுகு - சிறிதளவு,
உளுந்து - 1ஸ்பூன்,
கடலை பருப்பு - 1ஸ்பூன்,
முந்திரி - 5,
ப. மிளகாய் - 3,
கொத்தமல்லி - சிறிதளவு,
எண்ணெய் - தேவையான அளவு,

செய்முறை:

பிரெட்டை உதிர்த்து கொள்ளவும்.

வெங்காயம், கொத்தமல்லியை பொடியாக நறுக்கி கொள்ளவும்.

ஒரு கிண்ணத்தில் முட்டையை உடைத்து ஊற்றி அதனுடன் சிறிது உப்பு போட்டு நன்றாக அடித்து கலக்கி வைக்கவும்.

கடாயை அடுப்பில் வைத்து எண்ணெய் ஊற்றி சூடானதும கடுகு, உளுந்து, கடலை பருப்பு, முந்திரி போட்டு தாளித்த பின்னர் வெங்காயம், ப. மிளகாய், மஞ்சள்த்தூள், உப்பு சேர்த்து வதக்கவும்.

வெங்காயம் சற்று வதங்கியதும் அடித்து வைத்த முட்டையை ஊற்றி கிளறவும்.

முட்டை நன்றாக உதிரியாக வந்தவுடன்  அதில் உதிர்த்து வைத்த பிரெட்டை போட்டு கிளறவும்.

முட்டை, பிரெட் இரண்டும் நன்றாக சேர்ந்து வந்ததும் கொத்தமல்லி தூவி இறக்கி பரிமாறவும்.