சூப்பரான சைடிஷ் பேபி உருளைக்கிழங்கு மஞ்சூரியன்

தேவையான பொருட்கள்:

பேபி உருளைக்கிழங்கு - 250 கிராம்
சோள மாவு - 1 டேபிள் ஸ்பூன்
மிளகுத் தூள் - 1 டீஸ்பூன்
உப்பு - தேவையான அளவு
எண்ணெய் - 1 டேபிள் ஸ்பூன்

மஞ்சூரியன் செய்வதற்கு...

எண்ணெய் - 3 டீஸ்பூன்
பூண்டு - 1 டேபிள் ஸ்பூன்
பச்சை மிளகாய் - 2
பெரிய வெங்காயம் - 2 டேபிள் ஸ்பூன்
குடைமிளகாய் - 1
சோயா சாஸ் - 1/4 டீஸ்பூன்
தக்காளி சாஸ் - 1 டேபிள் ஸ்பூன்
சீசுவான் சாஸ் - 1 டீஸ்பூன்
சோள மாவு - 1/2 டீஸ்பூன்
உப்பு - தேவையான அளவு
வெங்காயத்தாள் - சிறிது (பொடியாக நறுக்கியது)

செய்முறை:

பச்சை மிளகாய், பூண்டு, பெரிய வெங்காயம், குடைமிளகாய், வெங்காயத்தாளை பொடியாக நறுக்கி கொள்ளவும்.

மஞ்சூரியன் செய்வதற்கு கொடுத்துள்ள சோள மாவை 2 டேபிள் ஸ்பூன் நீருடன் கலந்து கொள்ளவும்.

உருளைக்கிழங்கை நன்கு கழுவி, பாதியளவு வேக வைத்து கொள்ளவும்.

ஒரு பௌலில் வேக வைத்த உருளைக்கிழங்கு, சோள மாவு, மிளகுத் தூள், உப்பு சேர்த்து, சிறிது தண்ணீர் ஊற்றி கலந்து கொள்ள வேண்டும்.

ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், உருளைக்கிழங்கை போட்டு, பொன்னிறமாக வறுத்து தனியாக வைத்துக் கொள்ள வேண்டும்.

அதே வாணலியை அடுப்பில் வைத்து, அதில் சிறிது எண்ணெய் ஊற்றி காய்ந்ததும் பூண்டு போட்டு வதக்கிய, பின் வெங்காயம், குடைமிளகாய், பச்சை மிளகாய் சேர்த்து 2 நிமிடம் நன்கு வதக்க வேண்டும்.

அடுத்து அதில் சோயா சாஸ், தக்காளி சாஸ், சீசுவான் சாஸ் சேர்த்து நன்கு கிளறி, பின் சிறிது தண்ணீர் மற்றும் சோள மாவு கலவையை ஊற்றி, தேவையான அளவு உப்பு சேர்த்து ஓரளவு கெட்டியான பதத்தில் கிளறி விட வேண்டும்.

கடைசியாக அதில் உருளைக்கிழங்கை சேர்த்து நன்கு பிரட்டி, மேலே வெங்காயத்தாள் தூவி கிளறி இறக்கி பரிமாறவும்.

சூப்பரான உருளைக்கிழங்கு மஞ்சூரியன் ரெடி!!!

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.