சூப்பரான சைடிஷ் செட்டிநாடு சிக்கன் சாப்ஸ்

தேவையான பொருட்கள் :

சிக்கன் - 1/2  கிலோ
எண்ணெய் - தேவையான அளவு
வெங்காயம் - 3
இஞ்சி - சிறிய துண்டு
பூண்டு - 10 பல்
மஞ்சள்தூள் - 1 டீஸ்பூன்
இஞ்சி, பூண்டு விழுது - 1/2 டீஸ்பூன்
கறிவேப்பிலை - 1
தக்காளி - 2
உப்பு - சுவைக்கேற்ப
கொத்தமல்லி - சிறிதளவு.

வறுத்து அரைக்க :

காய்ந்த மிளகாய் - 5
கொத்தமல்லி விதை - 2 டீஸ்பூன்
சீரகம் - அரை டீஸ்பூன்
கறிவேப்பிலை - சிறிதளவு.



செய்முறை :

* கொத்தமல்லி, வெங்காயத்தை பொடியாக நறுக்கிக் கொள்ள வேண்டும்.

* இஞ்சி, பூண்டை பொடியாக நறுக்கி கொள்ளவும்.

* தக்காளியை மிக்சியில் போட்டு நைசாக அரைத்து கொள்ளவும்.

* வறுக்க கொடுத்துள்ள பொருட்களை வெறும் கடாயில் போட்டு வறுத்து ஆற வைத்து மிக்சியில் போட்டு பொடித்து கொள்ளவும்.

* அடுப்பில் குக்கரை வைத்து எண்ணெய் விட்டு காய்ந்ததும் நறுக்கிய இஞ்சி, பூண்டு, கறிவேப்பிலை, வெங்காயம், இஞ்சி, பூண்டு விழுது சேர்த்து பச்சை வாசனை போகுமாறு வதக்கவும்.

* வெங்காயம் நன்றாக வதங்கியதும் அதனுடன், தக்காளி விழுது சேர்த்து வதக்கவும்.

* தக்காளி நன்றாக வதங்கியதும் சிக்கன், மஞ்சள்தூள், அரைத்த மசாலா தூள், சிறிதளவு எண்ணெய் விட்டு வதக்க வேண்டும்.

* அடுத்து அதில் 1 கப் தண்ணீர் ஊற்றி, தேவையான அளவு உப்பு சேர்த்து குக்கரை மூடி 2 விசில் விட்டு இறக்கவும்.

* சிக்கன் கிரேவி போல் வேண்டுமென்றால் 5 நிமிடங்கள் தீயில் வைத்து கொத்தமல்லி தூவி அடுப்பை அணைத்து பரிமாறவும்.

* டேஸ்டியான சிக்கன் சாப்ஸ் ரெடி!

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.