மாலை நேர சிற்றுண்டி வெஜிடபிள் கொத்து பரோட்டா

தேவையான பொருட்கள் :
 
பரோட்டாக்கள் - 5
வெங்காயம் - 2
நாட்டுத் தக்காளி (பெரியது) - 1
குடமிளகாய் (பெரியது) - 1
கேரட் - 1
பட்டாணி - 1 கப்
பூண்டு - 2 பல்லு
எலுமிச்சை சாறு-  2 டீஸ்பூன்
கொத்தமல்லி - சிறிதளவு
மிளகாய் தூள் - 1 டீஸ்பூன்
கரம் மசாலா தூள் - 1 டீஸ்பூன்
பட்டை - 4
சோம்பு - 1 டீஸ்பூன்
ஏலக்காய் - 2
கிராம்பு - 4
எண்ணெய் - தேவையான அளவு



செய்முறை :

* பரோட்டாக்களைச் சிறிய துண்டுகளாக உதிர்த்து கொள்ளவும்.

* பட்டாணியை வேகவைத்து கொள்ளவும்.

* தக்காளி, வெங்காயம், கொத்தமல்லி, கேரட், குட மிளகாயை பொடியாக நறுக்கி கொள்ளவும்.

* பூண்டை தட்டிக்கொள்ளவும்.

* கடாயை அடுப்பில் வைத்து எண்ணெய் ஊற்றி சூடானதும் சோம்பு, ஏலக்காய், பட்டை, கிராம்பு சேர்த்து தாளித்த பின்னர் வெங்காயத்தை போட்டு சிவக்க வதக்கவும்.

* இதனுடன் பூண்டையும் சேர்த்து வதக்கவும்.

* வெங்காயம் வதங்கினதும் தக்காளி, குடமிளகாய் போட்டு சற்று வதக்கவும். தண்ணீர் விடத் தேவையில்லை.

* அடுத்து அதில் கேரட், வேக வைத்த பச்சைப் பட்டாணியையும் சேர்த்து உப்பு, மிளகாய் தூள், கரம் மசாலா தூள் சேர்த்து மூடி வைத்து வேக விடவும். அவ்வப்போது மூடியைத் திறந்து கிளறி விடவும்.

* காய்கறிகள் வெந்தவுடன் காரம் பார்த்து விட்டு எலுமிச்சைச்சாற்றைச் சேர்க்கவும்.

* அடுத்து அதில் பரோட்டா துண்டுகளை போட்டு காய்கறிக்கலவையுடன் சேர்த்து நன்றாகக் கிளறி விடவும்.

* எல்லாம் ஒன்று சேர்ந்து வரும்போது கொத்தமல்லித்தழை தூவி நன்றாக கலந்து இறக்கி பரிமாறவும்.

* சூப்பரான வெஜிடபிள் கொத்து பரோட்டா ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.