சப்பாத்திக்கு சூப்பரான சைடிஷ் தக்காளி - சின்ன வெங்காய தொக்கு

தேவையான பொருட்கள் :

பழுத்த தக்காளி - அரை கிலோ,
சின்ன வெங்காயம் - 150 கிராம்,
மிளகாய்தூள் - ஒன்றரை டீஸ்பூன்,
தனியாதூள் - ஒரு டீஸ்பூன்,
பூண்டு - 8 பல்,
கறிவேப்பிலை - சிறிது,
உப்பு - தேவையான அளவு.

தாளிக்க :

கடுகு - அரை டீஸ்பூன்,
சோம்பு - அரை டீஸ்பூன்,
எண்ணெய் - கால் கப்.



செய்முறை :

* தக்காளியை அரைத்து சாறு எடுத்து கொள்ளவும்.

* சின்ன வெங்காயத்தை தோல் உரித்து தனியாக அரைத்துக்கொள்ளுங்கள்.

* கடாயை அடுப்பில் வைத்து எண்ணெய் ஊற்றி சூடானதும் கடுகு, சோம்பு தாளித்த பின் பூண்டு சேர்த்து நன்றாகப் பொரிந்ததும் அரைத்த வெங்காய விழுதை சேர்த்து வதக்கவும்.

* வெங்காய விழுதை மிதமான தீயில் பச்சை வாசனை போகும் வரை கிளறவும்.

* அடுத்து அதில் தக்காளி சாறை சேர்த்து நன்றாக வதக்கவும்.

* அடுத்து அதனுடன் உப்பு, மிளகாய்தூள், தனியாதூள், கறிவேப்பிலை சேர்த்து தொக்கு நன்றாக சுருங்கி ஓரங்களில் எண்ணெய் பிரிந்து வரும் போது இறக்கி பரிமாறவும்.

* சூப்பரான தக்காளி - சின்ன வெங்காய தொக்கு ரெடி.

* சப்பாத்திக்கு ஏற்ற சூப்பர் சைட் டிஷ்!

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.